சென்னை: பொங்கல் பண்டிகையை முன்னிட்டு சொந்த ஊர் செல்லும் பயணிகளின் வசதிக்காக சிறப்பு பேருந்துகள் நாளை 14ம் தேதி வரை இயக்கப்படுகிறது. கடந்த 10ம்தேதி மட்டும் சென்னையில் இருந்து 2 ஆயிரத்து 804 அரசு பேருந்துகள் மூலமாக 1 லட்சத்து 26 ஆயிரத்து 180 பயணிகள் பயணித்துள்ளனர். நேற்று வழக்கமாக இயக்கப்படும் 2,092 பேருந்துகள் முழுமையாக இயக்கப்பட்டதுடன், கூடுதலாக 668 சிறப்பு பேருந்துகளும் இயக்கப்பட்டுள்ளன. அன்றைய தினம் மட்டும் மொத்தம் 2,760 பேருந்துகள் இயக்கப்பட்டுள்ளன.
ஜனவரி 11ம் தேதி நிலவரப்படி பொங்கலையொட்டி இதுவரை இயக்கப்பட்ட 8,270 பேருந்துகளில் 3.58 லட்சம் பேர் பயணம் மேற்கொண்டுள்ளதாக அரசு விரைவு போக்குவரத்துக் கழகம் தெரிவித்துள்ளது. அதேசமயம் சென்னையில் இருந்து சொந்த ஊர்களுக்குச் செல்ல இதுவரை 2,38,535 பேர் முன்பதிவு செய்துள்ளனர். இதுகுறித்து, அரசு விரைவுப் போக்குவரத்துக் கழக மேலாண் இயக்குநர் ஆர்.மோகன் நேற்று வெளியிட்டுள்ள அறிக்கை:
போக்குவரத்துத் துறையின் சார்பில், 2026ம் ஆண்டு பொங்கல் திருநாளை முன்னிட்டு, பொதுமக்களின் பயண வசதிக்காக சிறப்பு பேருந்துகள் இயக்கப்பட்டு வருகின்றன. இதன் விவரமாக, கடந்த 11ம்தேதி நள்ளிரவு நிலவரப்படி, வழக்கமாக இயக்கப்படும் 2,092 பேருந்துகள் முழுமையாக இயக்கப்பட்டதுடன், கூடுதலாக 668 சிறப்பு பேருந்துகளும் இயக்கப்பட்டுள்ளன. இவ்வாறு மொத்தம் 2,760 பேருந்துகள் இயக்கப்பட்டு, 1,11,316 பயணிகள் பயணம் மேற்கொண்டுள்ளனர்.
ஆக, 9 முதல் 11ம்தேதி நள்ளிரவு வரை, மொத்தம் 8,270 பேருந்துகள் இயக்கப்பட்டு, 3,58,496 பயணிகள் பயணம் மேற்கொண்டுள்ளனர். அத்துடன், இதுவரை 2,38,535 பயணிகள் முன்பதிவு செய்து பயணம் மேற்கொண்டு வருகின்றனர். பொங்கல் திருநாள் பயண காலத்தில், பொதுமக்களின் தேவையை கருத்தில் கொண்டு, தேவைக்கேற்ப கூடுதல் பேருந்துகள் தொடர்ந்து இயக்கப்படும்.
* ஆம்னி பேருந்துகளில் அதிகளவு கட்டணம் வசூலிப்பதாக புகார் அளித்தால் உரிய நடவடிக்கை எடுக்கப்படும் என்று போக்குவரத்து ஆணையம் தெரிவித்துள்ளது. இதற்காக, தொலைபேசி எண்கள் அறிவிக்கப்பட்டுள்ளன.
* போக்குவரத்து மற்றும் சாலை பாதுகாப்பு ஆணையரகம், சென்னை 1800 425 6151
* இணைப்போக்குவரத்து ஆணையரகம், சென்னை (வடக்கு) 99442 53404
* இணைப்போக்குவரத்து ஆணையரகம், சென்னை (தெற்கு) 97905 50052
மதுரை 90953 66394
கோவை 91235 93971
விழுப்புரம் 96773 98825
வேலூர் 98400 23011
சேலம் 78456 36423
ஈரோடு 80569 40040
திருச்சி 90660 32343
விருதுநகர் 90257 23800
திருநெல்வேலி 96981 18011
தஞ்சாவூர் 95850 20865
