சிதம்பரம், நவ. 27: கடலூர் மாவட்டம் சிதம்பரத்தில் உள்ள உலகப் புகழ்பெற்ற நடராஜர் கோவிலில் நேற்று மலையாள திரைப்பட நடிகர் ஜெயராமன் குடும்பத்துடன் வந்திருந்து சாமி தரிசனம் செய்தார். முன்னதாக கீழ சன்னதி வழியாக வருகை தந்த நடிகருக்கு கோயில் பொது தீட்சிர்கள சார்பாக மரியாதை செய்து அழைத்து சென்றனர். அதனைத் தொடர்ந்து கோவிலுக்குள் சென்ற நடிகர் ஜெயராமன் மற்றும் அவரது மனைவி ஆகியோர் கனகசபையில் ஏறி சாமி தரிசனம் செய்தனர். பின்னர் கோயில் வளாகப் பகுதியில் உள்ள கோவிந்தராஜ பெருமாள், தாயார் சன்னதி, ஆதிமூல நாதர் உள்ளிட்ட இடங்களில் சாமி தரிசனம் செய்தனர். அதனைத் தொடர்ந்து பொதுதீட்சிதர்கள் சார்பில் பிரசாதங்கள் வழங்கப்பட்டது.