புதுடெல்லி: 2025ம் ஆண்டுக்கான ஹென்லி பாஸ்போர்ட் குறியீட்டில் இந்தியாவின் பாஸ்போர்ட் 85வது இடத்துக்கு சரிந்துள்ளது. அமெரிக்காவை தளமாகக் கொண்ட ஹென்லி பாஸ்போர்ட் இன்டெக்ஸ் என்பது அவர்களின் பாஸ்போர்ட்கள் குடிமக்களுக்கு வழங்கும் பயண சுதந்திரத்தின் அடிப்படையில் நாடுகளின் சர்வதேச தரவரிசைப் பட்டியல். ஹென்லி பாஸ்போர்ட் குறியீடு என்பது, முன் விசா இல்லாமல் அவர்கள் அணுகக்கூடிய இடங்களின் எண்ணிக்கையின் அடிப்படையில், உலகின் அனைத்து பாஸ்போர்ட்டுகளின், அதிகாரப்பூர்வ தரவரிசையாகும்.

இந்த நிலையில் ஹென்லி பாஸ்போர்ட் சர்வதேச தர வரிசை பட்டியலை வெளியிட்டுள்ளது. இதில் இந்தியாவின் தரவரிசை 85 வது இடத்துக்கு சரிந்துள்ளது. இந்த வீழ்ச்சி, உலகளாவிய நகர்வு முறைகள் மற்றும் ராஜதந்திர உறவுகளில் ஏற்படும் மாற்றங்களை பிரதிபலிக்கிறது. கடந்த ஆண்டில், இந்தியாவின் பாஸ்போர்ட் 80வது இடத்தில் இருந்தது. இது அதன் முந்தைய தரவரிசையில் இருந்து சரிவை குறிக்கிறது. இந்தியாவின் பொருளாதாரம் செழித்து இருக்கலாம், ஆனால் அதன் பாஸ்போர்ட் சக்தி பலவீனமடைந்து வருகிறது. உலகின் வேகமாக வளர்ந்து வரும் பொருளாதாரங்களில் ஒன்றாக இந்தியா தொடர்ந்து இருக்கும் போதும் இந்த சரிவு ஏற்பட்டுள்ளது.

நிபுணர்கள் கூறுகையில், விசா தரவரிசை ராஜதந்திர உறவுகள், இடம்பெயர்வு கொள்கைகள் மற்றும் உலகளாவிய பார்வை உள்ளிட்ட பல காரணிகளுடன் தொடர்புடையது. இந்தியாவின் பொருளாதாரம் வலுவாக இருந்தாலும், அதன் சர்வதேச இயக்கம் மதிப்பெண் வரையறுக்கப்பட்ட பரஸ்பர விசா ஒப்பந்தங்களை பிரதிபலிக்கிறது என்றனர்.