ஜோகன்னஸ்பர்க்: தென் ஆப்ரிக்க வீரர் ஜீன் பால் டுமினி, இங்கிலாந்தில் நடைபெற உள்ள ஐசிசி உலக கோப்பை தொடருடன் ஒருநாள் போட்டிகளில் இருந்து ஓய்வு பெறுவதாக அறிவித்துள்ளார். 2004ம் ஆண்டு தென் ஆப்ரிக்க அணியில் அறுமுகமான டுமினி (34 வயது), இதுவரை 46 டெஸ்ட் போட்டியில் 2013 ரன் (அதிகம் 166, சராசரி 32.85, சதம் 6, அரை சதம் 8) மற்றும் 42 விக்கெட் வீழ்த்தியுள்ளார். கடந்த 2017ம் ஆண்டுடன் டெஸ்ட் போட்டிகளில் இருந்து ஓய்வு பெற்ற அவர், ஒருநாள் மற்றும் டி20 போட்டிகளில் தொடர்ந்து விளையாடி வருகிறார். இந்த நிலையில், இங்கிலாந்தில் நடைபெற உள்ள உலக கோப்பை தொடருடன் ஒருநாள் போட்டிகளில் இருந்து ஓய்வு பெறப்போவதாக நேற்று அவர் அறிவித்தார்.