*கமிஷனர் உத்தரவு

திருமலை : திருப்பதி மாநகராட்சி பகுதியில் காலி மனைகளுக்கு வரி இருந்தால் மட்டுமே பதிவு செய்ய வேண்டும் என கமிஷனர் உத்தரவிட்டார்.திருப்பதி மாநகராட்சி அலுவலகத்தில் மாவட்டப் பதிவாளர், திருப்பதி துணைப்பதிவாளர், ரேணிகுண்டா துணைப்பதிவாளர் ஆகியோருடன் மாநகராட்சி ஆணையர் ஹரிதா, துணை மேயர் பூமனா அபிநய் ஆகியோர் இணைந்து சிறப்புக்கூட்டம் நேற்று நடந்தது. இதில் திருப்பதி மாநகராட்சி எல்லையில் உள்ள காலி மனைகளை வாங்கி விற்கும் பணியில், துணைப் பதிவாளர் அலுவலகத்துக்கு வந்துள்ள நிலத்துக்கு காலி மனை வரி விதிக்க வேண்டும் என ஆணையர் ஹரிதா தெரிவித்தார்.

இந்த விவகாரத்தில் மாநில அரசு ஏற்கனவே உத்தரவு பிறப்பித்துள்ளதை நினைவூட்டிய கமிஷனர் ஹரிதா, காலி மனை வாங்கும் போதும், விற்கும் போதும் வார இறுதி நில வரி(வி.எல்.டி.) கட்டாயம் இருக்க வேண்டும் என பதிவு அலுவலகங்களுக்கு உத்தரவு பிறப்பித்தார். இதை கருத்தில் கொண்டு அதிகாரிகள் ஒத்துழைக்குமாறு கேட்டுக்கொண்டார். திருப்பதி நகரில் ஏற்கனவே 1900 காலி மனைகளுக்கு வரி விதிக்கப்பட்டு வருவதாகவும், மேலும் 6000க்கும் மேற்பட்ட காலி மனைகளுக்கு வரி விதிக்கப்பட உள்ளதாகவும், அந்த இடங்கள் மற்றும் அவற்றின் உரிமையாளர்களை கண்டறிந்து நோட்டீஸ் வழங்கும் பணியும் தொடங்கப்பட்டுள்ளது. எனவே திருப்பதி நகரில் காலியாக உள்ள மனைகளை சப்-ரிஜிஸ்ட்ரார் அலுவலகங்களில் இஆர்பி மதிப்பீட்டு எண் மற்றும் வரி ரசீது இருந்தால் மட்டுமே வாங்கவும், விற்கவும் அனுமதிக்க வேண்டும் என திருப்பதி மாநகராட்சி ஆணையர் ஹரிதா கேட்டு கொண்டார்.

இந்த கூட்டத்தில் மாவட்ட பதிவாளர் ராம்குமார், திருப்பதி துணை பதிவாளர் ஆனந்தன், ரேணிகுண்டா துணைப் பதிவாளர் சோபாராணி, கவுன்சிலர் ராமசாமி வெங்கடேஸ்வரலு, மாநகராட்சி கூடுதல் ஆணையர் சுனிதா, துணை ஆணையர் சந்திரமவுலீஷ்வர், வருவாய் அலுவலர்கள் சேதுமாதவ், கே.எல்.வர்மா, துணை நகரமைப்பு அலுவலர் சீனிவாசலு உள்ளிட்டோர் பங்கேற்றனர்.

The post திருப்பதி மாநகராட்சி பகுதியில் காலி மனைகளுக்கு வரி இருந்தால் மட்டுமே பதிவு செய்ய வேண்டும் appeared first on Dinakaran.