புதுடெல்லி: சர்வதேச ராணுவ செலவினத்தில் இந்தியா 4வது இடத்தைப் பிடித்துள்ளது. கடந்தாண்டு ரூ.6.6 லட்சம் கோடி செலவு செய்துள்ளது. இது 2021ம் ஆண்டைவிட 6 சதவீதம் அதிகமாகும். ஸ்வீடன் நாட்டை சேர்ந்த ஸ்டாக்ஹோம் சர்வதேச அமைதிக்கான ஆராய்ச்சி நிறுவனம் வெளியிட்டிருக்கும் அறிக்கையின்படி, கடந்தாண்டு ராணுவத்துக்காக அதிக நிதி ஒதுக்கிய நாடுகளில் அமெரிக்கா ரூ.71 லட்சம் கோடி செலவிட்டு முதலிடத்தைப் பிடித்துள்ளது. 2வது இடத்தில் உள்ள சீனா ரூ.23 லட்சம் கோடி செலவு செய்துள்ளது. இது உலக நாடுகளின் மொத்த ராணுவ செலவில் 39 சதவீதம் என மதிப்பிடப்பட்டுள்ளது.

சீனாவின் ராணுவச் செலவு தொடர்ந்து 28வது ஆண்டாக அதிகரித்துள்ளதாக குறிப்பிடப்பட்டுள்ளது. அதே போல் 3வது இடத்தில் உள்ள ரஷ்யா ரூ.7.06 லட்சம் கோடி செலவு செய்துள்ளது. ரஷ்யாவின் ராணுவச் செலவு கடந்த ஆண்டு 9.2 சதவீதமாக அதிகரித்து உள்ளது. 4வது இடத்தைப் பிடித்திருக்கும் இந்தியா, கடந்தாண்டு ரூ.6.6 லட்சம் கோடி செலவு செய்துள்ளது. இது 2021ம் ஆண்டைவிட 6 சதவீதம் அதிகமாகும். கடந்த 2013ம் ஆண்டை காட்டிலும் 47 சதவீதம் அதிகமாகும்.

The post ராணுவ செலவினம் 4வது இடத்தில் இந்தியா appeared first on Dinakaran.