விஜய் மில்டன் இயக்கத்தில், விஜய் ஆண்டனி, மேகா ஆகாஷ், சரத்குமார் உள்ளிட்டோர் நடிப்பில் கடந்த 2ம் தேதி ‘மழை பிடிக்காத மனிதன்’ திரைப்படம் திரையரங்குகளில் வெளியானது. இந்த திரைப்படத்தில் தனது ஒப்புதல் இல்லாமலேயே 2 நிமிட காட்சியை இணைத்துள்ளதாக இயக்குனர் விஜய் மில்டன் தெரிவித்திருந்தார்.
அத்திரைப்படத்தில் நடிகர் விஜய் ஆண்டனியின் கதாபாத்திரத்தின் சில காட்சிகளை சஸ்பென்ஸாக வைத்து தயாரிக்கப்பட்டுள்ளதாக இயக்குனர் விஜய் மில்டன் தெரிவித்தார். ஆனால் தன்னுடைய ஒப்புதல் இல்லாமலேயே 2 நிமிட காட்சியை இணைத்துள்ளதாகவும், இதனை யார் செய்தார்கள் என தெரியவில்லை எனவும் விஜய் மில்டன் வீடியோ வெளியிட்டிருந்தார். இது தொடர்பாக சர்ச்சையான நிலையில் நடிகர் விஜய் ஆண்டனி மழை பிடிக்காத மனிதன் திரைப்படத்தில் 2 நிமிடக் காட்சியை நான் இணைக்கவில்லை என தெரிவித்துள்ளார்.
மேலும் இதுகுறித்து நடிகர் விஜய் ஆண்டனி தெரிவித்துள்ளதாவது; “மழை பிடிக்காத மனிதன் படத்தின் துவக்கத்தில் வரும் இரண்டு நிமிடக்காட்சியை, தனது ஒப்புதல் இல்லாமல் யாரோ இனணத்து உள்ளதாக, என் நண்பர், படத்தின் இயக்குனர் விஜய் மில்டன் வருத்தம் தெரிவித்திருந்தார். அது நான் இல்லை, இது சலீம் 2 இல்லை” என தெரிவித்துள்ளார்.
The post மழை பிடிக்காத மனிதன் திரைப்படத்தில் 2 நிமிடக் காட்சியை நான் இணைக்கவில்லை: நடிகர் விஜய் ஆண்டனி appeared first on Dinakaran.