தென்காசி, செப்.30: குற்றாலத்தில் பேரூர் திமுக சார்பில் ஆன்லைனில் உறுப்பினர் சேர்க்கை முகாம் நடந்தது. பேரூர் செயலாளர் மந்திரம் தலைமை வகித்தார். மாவட்ட அவைத்தலைவர் முத்துப்பாண்டி, மாவட்ட இளைஞரணி அமைப்பாளர் ஆறுமுகச்சாமி, மாவட்ட தகவல் தொழில்நுட்ப அணி அமைப்பாளர் சிவக்குமார், தொண்டரணி அமைப்பாளர் இசக்கிபாண்டியன், ஒன்றிய தகவல் தொழில் நுட்ப அணி அமைப்பாளர் நாகராஜ் சரவணார் முன்னிலை வகித்தனர். மாவட்ட செயலாளர் வக்கீல் சிவபத்மநாதன் புதிய உறுப்பினர்களுக்கு அட்டையை வழங்கி பேசினார்.