நெல்லை, பிப். 28: வாசுதேவநல்லூர் தங்கப்பழம் பாலிடெக்னிக் கல்லூரி நாட்டு நலப்பணித்திட்டம் சார்பில், சங்கனாப்பேரி பஞ்சாயத்தில் 7 நாட்கள் நாட்டு நலப்பணித்திட்ட முகாம் நடந்தது. தங்கப்பழம் கல்வி குழும தாளாளர் முருகேசன் தலைமை வகித்தார். கல்லூரி முதல்வர் காந்திராமன் முன்னிலை வகித்தார். முகாமில் பல்வேறு விழிப்புணர்வு கூட்டங்கள், வாசுதேவநல்லூர் மருத்துவ அலுவலர் சாந்தி சரவணா பாய் தலைமையில் பொது மருத்துவ முகாம் மற்றும் கிருஷ்ணன்கோவில் சங்கரா மருத்துவமனை சார்பில் கண் சிகிச்சை முகாம் மற்றும் விழிப்புணர்வு கூட்டம் நடந்தது. நெற்கட்டும்செவல் கால்நடை மருத்துவர் அருண்குமார் தலைமையில் கால்நடை மருத்துவ முகாம் மற்றும் கால்நடை நோய் தடுப்பு மற்றும் கிருமிகளுக்கான விழிப்புணர்வு நிகழ்ச்சி நடைபெற்றது.