பேரணாம்பட்டு, டிச. 31: பேரணாம்பட்டு பகுதியில் தொடர்ந்து 2வது நாளாக விவசாய நிலத்தில் புகுந்து 7 யானைகள் அட்டகாசம் ெசய்ததில், வாழை, தென்னை மரங்கள், தக்காளி செடிகள் நாசமானது.வேலூர் மாவட்டம், பேரணாம்பட்டு அடுத்த எருக்கம்பட்டு கிராமத்தில் நேற்று அதிகாலை 7 யானைகள் ஊருக்குள் புகுந்தது. அங்குள்ள விவசாய பயிர்களை சேதப்படுத்தியது. அதே கிராமத்தை சேர்ந்த வினோத்கண்ணா(35) என்பவர் ஒரு ஏக்கர் நிலபரப்பில் பயிரிடப்பட்டுள்ள 400 வாழைமரங்கள் மற்றும் 2 தென்னை மரங்களை சேதப்படுத்தியது.ரகுபதி(53) என்பவரது முக்கால் ஏக்கர் நிலபரப்பில் பயிரிட்டிருந்த தக்காளி செடிகள் மற்றும் மாட்டுத்தீவன பயிர்களை சேதப்படுத்தியது. வஜ்ரவேல்(35) என்பவருக்கு சொந்தமான 2 மாமரங்கள், தென்னை கன்றுகள் மற்றும் நிலத்திற்கு பாய்ச்ச பயன்படுத்தப்படும் பைப் லைன் ஆகியவைகளை சேதப்படுத்தியது. நந்தகோபால் என்பவருக்கு சொந்தமான 6 கல் கம்பங்கள் மற்றும் மாமரக்கிளைகளை சேதப்படுத்தியது.