நத்தம், டிச.30: நத்தத்தில் இருந்து செந்துறை சுமார் 25 கி.மீ. தூரத்தில் உள்ளது. இந்த நெடுஞ்சாலையில் பெரும்பாலும் மலை அடிவார கிராமங்களான செங்குளம், புதுப்பட்டி, குட்டுப்பட்டி, அய்யனார்புரம், மணக்காட்டூர், பழனிபட்டி, செந்துறை என மலையடிவார கிராமங்கள் அதிகம் உள்ளது. இதன் அருகில் நெடுஞ்சாலை உள்ளது. இந்த சாலையில் நத்தத்திலிருந்து செந்துறை செல்லும் வாகனங்கள் போக்குவரத்து அதிகம் உள்ளது. மேலும் இச்சாலையின் இருமருங்கிலும் உள்ள ஓரங்களில் பள்ளங்கள், ஓடைகள் மற்றும் பாலங்கள் போன்றவை, விவசாய கிணறுகள் அதிகம் உள்ளது. எனவே இப்பகுதிகளில் வாகனங்களின் பாதுகாப்பு கருதி நெடுஞ்சாலைகளின் ஓரங்களில் இரும்பு தடுப்புகள் அமைக்கப்பட்டு வருகிறது.