திருவில்லிபுத்தூர், டிச. 18:விபத்தில் காயம் அடைந்தவருக்கு ரூ.4 லட்சத்து 72 ஆயிரம் நஷ்டஈடு வழங்க தலைமை குற்றவியல் நடுவர் நீதிமன்ற நீதிபதி உத்தரவிட்டுள்ளார். ராஜபாளையம் அருகே உள்ளது சொக்கநாதன் புதூர். அந்தப் பகுதியைச் சேர்ந்தவர் முருகேசன் (53). இவர் டெய்லராக பணிபுரிந்து வருகிறார். கடந்த 6.12.2015ம் ஆண்டு சத்திரப்பட்டி அருகே பைக்கில் சென்றபோது எதிரே வந்த தனியார் பேருந்து முருகேசன் மீது மோதியது. இதில் படுகாயமடைந்த முருகேசன் தற்போது மாற்றுத்திறனாளியாக உள்ளார்.