கிருஷ்ணகிரி, அக்.10: கிருஷ்ணகிரியில் இன்று (10ம் தேதி) மூத்த குடிமக்களுக்கான விளையாட்டுப் போட்டிகள் நடைபெறுகிறது. இது குறித்து மூத்த குடிமக்கள் நல உரிமை சங்க மாவட்ட தலைவர் பால்ராஜ் வெளியிட்டுள்ள அறிக்கை: மூத்த குடிமக்கள் நல உரிமை சங்கத்தின் சார்பில், மூத்த குடிமக்களுக்கான விளையாட்டுப் போட்டி இன்று (10ம் தேதி) காலை 9.30 மணிக்கு கிருஷ்ணகிரி மாவட்ட விளையாட்டு மைதானத்தில் நடைபெறுகிறது. இந்த போட்டியில் கயிறு இழுத்தல், வேக நடை, இசை நாற்காலி மற்றும் முதியோர்களுக்கான விளையாட்டு போட்டிகள் நடத்தப்படும்.