வானூர், ஏப். 25: வானூர் வட்டார பகுதியில் கோடை வெப்பத்தினால் நிலத்தடி நீர்மட்டம் குறைந்து குடிநீருக்கு தட்டுப்பாடு நிலவி வருகிறது. வானூர் ஊராட்சி ஒன்றியத்தில் 65 கிராம ஊராட்சிகள் உள்ளது. இந்த ஊராட்சி பகுதிகளில் பெரும்பாலும் ஆழ்துளை கிணறு மூலம் குடிநீர் விநியோகிக்கப்படுகிறது. சென்ற ஆண்டு மழையளவு குறைந்ததால் நிலத்தடி நீர்மட்டம் வெகுவாக குறைந்துவிட்டது. வானூர் சுற்றுவட்டார பகுதிகளில் சுமார் 300 அடிக்கும் கீழ் நிலத்தடி நீர்மட்டம் குறைந்து விட்டது. இதனால் மின்மோட்டார் மூலம் தண்ணீர் எடுக்கும்போது சிறிதுநேரத்திலேயே ஆழ்துளை கிணற்றில் தண்ணீர் காலியாகி விடுவதால் வெறும் மோட்டார் மட்டுமே செயல்படுகிறது.