புதுச்சேரி, நவ. 20: திருபுவனையில் கூட்டுறவு நூற்பாலை (ஸ்பின்கோ) உள்ளது. இங்கு 550க்கும் மேற்பட்ட தொழிலாளர்கள் பணிபுரிந்து வருகின்றனர். இவர்களுக்கு கடந்த செப்டம்பர், அக்டோபர் மாத சம்பளமும், தீபாவளி போனசும் வழங்கப்படவில்லை. இதனை வழங்க கோரியும், தனியாருக்கு தாரை வார்க்காமல் மில்லை தொடர்ந்து இயக்க வலியுறுத்தியும் தொழிலாளர்கள் நேற்று ஒரு நாள் அடையாள வேலை நிறுத்தம் செய்தனர். பின்னர், புதுச்சேரி 100 அடி சாலையில் உள்ள போக்குவரத்து துறை அலுவலகம் முன்பு திரண்டு கண்டன ஆர்ப்பாட்டம் நடத்தினர்.