புதுச்சேரி, ஆக. 15: புதுச்சேரி, காராமணிக்குப்பத்தில் அடையாளம் தெரியாத நபர் ரயில் முன் பாய்ந்து தற்கொலை செய்துகொண்டார். புதுவையில் இருந்து நேற்று மதியம் சென்னை நோக்கி பயணிகள் ரயில் புறப்பட்டு சென்றது. அந்த ரயில் காராமணிக்குப்பம், ஜீவானந்தம் பள்ளி பின்புறம் வந்தபோது அங்கிருந்த 50 வயது மதிக்கத்தக்க அடையாளம் தெரியாத ஆண் நபர் திடீரென ரயில் முன் பாய்ந்தார். இதில் தலை, கை, கால்கள், இடுப்பு பகுதி துண்டு துண்டான நிலையில் உடல் சிதறி சம்பவ இடத்திலேயே அவர் பலியானார். இதுகுறித்த தகவலின்பேரில் அங்கு விரைந்து சென்ற உருளையன்பேட்டை சப்-இன்ஸ்பெக்டர் நியூட்டன் தலைமையிலான போலீசார் விசாரணை நடத்தினர். ரயில்வே போலீசார் சம்பவம் நடந்த பகுதியை பார்வையிட்டனர்.