சென்னை: தமிழில், ‘அன்பு’ படத்தின் மூலம் ஹீரோவானவர் பாலா. இயக்குநர் சிறுத்தை சிவாவின் தம்பியான இவர், வீரம், அண்ணாத்த உள்பட சில தமிழ்ப் படங்களில் நடித்துள்ளார். மலையாளத்தில் தொடர்ந்து நடித்து வருகிறார். 2010ம் ஆண்டு பாடகி அம்ருதா சுரேஷை காதலித்து திருமணம் செய்தார் பாலா. பின் கருத்து வேறுபாடால் அவரை பிரிந்தார். கடந்த 2021ம் ஆண்டு எலிசபெத் உதயன் என்ற டாக்டரை மறுமணம் செய்துகொண்டார். இந்நிலையில் கடந்த மாதம் கல்லீரல் பிரச்னை காரணமாக மருத்துவமனையில் அனுமதிக்கப்பட்டார். அவருக்கு தீவிர சிகிச்சை அளிக்கப்பட்டு வருகிறது.