தாம்பரம்: தமிழ்நாடு சட்டப்பேரவையில் கேள்வி நேரத்தின்போது இ.கருணாநிதி எம்எல்ஏ பேசுகையில், பல்லாவரம் சட்டமன்ற தொகுதிக்கு உட்பட்ட அனகாபுத்தூர், பம்மல், பொழிச்சலூர் பகுதி மக்களின் பயன்பாட்டுக்காக ரூ.48 கோடியில் துணை மின்நிலையம் அமைக்கப்பட்டதற்கு முதல்வர், மின்துறை அமைச்சருக்கு நன்றி தெரிவிக்கிறேன். அஸ்தினாபுரம், கீழ்க்கட்டளை பகுதிகளில் துணை மின்நிலையத்துக்கான இடம் கையகப்படுத்தப்பட்டு, டெண்டர் கோரப்படும் நிலையில் உள்ளது. இங்கு எப்போது பணிகள் துவங்கும் என்பதை அறிய விரும்புகிறேன் என கேள்வி எழுப்பினார்.