சென்னை: தமிழ்நாட்டில் 5 நாட்களுக்கு மிதமான மழைக்கு வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது. தென்னிந்தியாவில் வளிமண்டல கீழடுக்குகளில் கிழக்கு-மேற்கு காற்று சந்திக்கும் பகுதி நிலவுவதால் மழைக்கு வாய்ப்பு உள்ளது. தமிழ்நாடு, புதுச்சேரி காரைக்காலில் ஒரு சில இடங்களில் இன்று இடி,மின்னல், பலத்த காற்றுடன் மிதமான மழை பெய்ய வாய்ப்பு உள்ளது. இடி,மின்னலுடன் மணிக்கு 30 முதல் 40 கி.மீ. வேகத்தில் காற்றுடன் கூடிய மழை பெய்ய வாய்ப்பு உள்ளது. சென்னையில் 2 நாட்களுக்கு ஒருசில இடங்களில் இடி, மின்னலுடன் மிதமான மழை பெய்யக்கூடும். நாளை முதல் மார்ச் 25 வரை தமிழ்நாடு, புதுச்சேரி, காரை ரக்காலில் ஒரு சில இடங்களில் மிதமான மழை பெய்ய வாய்ப்பு உள்ளது எனவும் கூறியுள்ளது.