சென்னை: கிழக்கு கடற்கரை சாலையை மாமல்லபுரத்தில் இருந்து கன்னியாகுமரி வரை விரிவுபடுத்துவதற்கு ரூ. 24,000 கோடிக்கு திட்ட மதிப்பீடு தயாரிக்கப்பட்டு உள்ளதாக ஒன்றிய அமைச்சர் நிதின் கட்கரி தகவல் தெரிவித்துள்ளார். மாமல்லபுரத்தில் இருந்து கன்னியாகுமரி வரை பாலங்கள், சுரங்கங்களுடன் பிரிக்கப்பட்ட நான்கு வழிச் சாலையாக அமைக்கப்படவுள்ளது. 8 பிரிவாக இத்திட்டம் செயல்படுத்தப்படவுள்ளதாக நாடாளுமன்றத்தில் அமைச்சர் தகவல் தெரிவித்துள்ளார்.