சென்னை: இந்து சமய அறநிலையத்துறை அமைச்சர் சேகர்பாபு தலைமையில் நேற்று தலைமைச் செயலகத்தில் 2023-2024ம் ஆண்டிற்கான, புதிய அறிவிப்புகள் குறித்தும், 2021 - 2022 மற்றும் 2022 - 2023ம் நிதியாண்டுகளில் அறிவிக்கப்பட்ட அறிவிப்புகளின் பணி முன்னேற்றம் குறித்த கலந்தாய்வுக் கூட்டம் நடைபெற்றது. அறநிலையத்துறையின் சட்டமன்ற மானியக்கோரிக்கையின் போது, அமைச்சர் சேகர்பாபு 2021- 22ம் ஆண்டில் 112 அறிவிப்புகளின் மூலம் 3,769 பணிகளும், 2022 - 23ம் ஆண்டில் 165 அறிவிப்புகள் மூலம் 5,061 பணிகளும் மேற்கொள்ள அறிவிப்புகள் வெளியிடப்பட்டன.