சென்னை: இசை நிகழ்ச்சியில் டிரோன் கேமரா மோதி பாடகர் பென்னி தயாளர் காயம் அடைந்தார். சென்னை இசை நிகழ்ச்சி ஒன்றில், பாடகர் பென்னி தயாள் மற்றும் இசைக் கலைஞர்கள் பலர் பங்கேற்றனர். பென்னி தயாள், மேடையில் பாடிக்கொண்டிருந்தார். அப்போது அவரது தலைக்கு மேலே டிரோன் கேமராக்கள் பறந்து கொண்டிருந்தன. அதில், ஒரு டிரோன் கேமரா, சரியாக இயங்காமல் பென்னி தயாளின் தலையில் மோதியது. இதில், இருந்து தப்பிக்க அவர் தனது கைகளை காட்டியபோது, விரல்களில் டிரோன் மோதி காயம் அடைந்தார்.