ஆலந்தூர்: ஆலந்தூர் தெற்கு பகுதி திமுக சார்பாக முதல்வர் மு.க.ஸ்டாலின் பிறந்தநாள் விழா ஆலந்தூர், நங்கநல்லூர், பழவந்தாங்கல், ஆதம்பாக்கம் போன்ற பகுதிகளில் திமுக கொடி ஏற்றியும், இனிப்பு மற்றும் காலை உணவு வழங்கியும் கொண்டாடப்பட்டது. நங்கநல்லூர் பக்தவச்சலம் நகரில் கொண்டாடப்பட்ட விழாவிற்கு ஆலந்தூர் மண்டலக் குழு தலைவரும் ஆலந்தூர் தெற்கு பகுதி திமுக செயலாளருமான என்.சந்திரன் தலைமை வகித்தார். வட்ட செயலாளர்கள் இ.உலகநாதன், ஜெ.நடராஜன், மாவட்ட இலக்கிய அணி செயலாளர் ஜெயராம் மார்த்தாண்டன் முன்னிலை வகித்தனர்.