சென்னை: பொதுத் தேர்வில் பங்கேற்க உள்ள பிளஸ் 1 மாணவர்கள், தாங்கள் அளித்துள்ள விவரங்களில் திருத்தங்கள் ஏதாவது செய்வதாக இருந்தால், 10ம் தேதிக்குள் செய்யலாம் என்று தேர்வுத்துறை அறிவித்துள்ளது. தமிழ்நாட்டில் அரசு மற்றும் அரசு நிதியுதவி பெறும் பள்ளிகள், தனியார் பள்ளிகளில் 10 , பிளஸ் 1, பிளஸ் 2 வகுப்புகளில் படிக்கும் மாணவர்களுக்கு, மார்ச் மாதம் பொதுத் தேர்வுகள் தொடங்க உள்ளன. பிளஸ் 2 வகுப்புக்கான தேர்வு மார்ச் 13ம் தேதி தொடங்கி ஏப்ரல் 3ம் தேதி வரையும், பிளஸ் 1 வகுப்புக்கான தேர்வு மார்ச் 14ம் தேதி தொடங்கி ஏப்ரல் 5ம் தேதி வரையும் நடக்கிறது. இந்த தேர்வுகளில் பங்கேற்க உள்ள பள்ளி மாணவர்கள் அந்தந்த பள்ளிகளின் தலைமை ஆசிரியர்கள் மூலம் தங்கள் விவரங்களை தெரிவித்துள்ளனர்.