புதுடெல்லி: மக்களவை எம்பிக்களின் சொத்து மதிப்பு குறித்து ஜனநாயக சீர்திருத்தங்களுக்கான சங்கம்(ஏடிஆர்) ஆய்வு மேற்கொண்டது. அதன் விவரம் வருமாறு: 2009ம் ஆண்டு முதல் 2019ம் ஆண்டு வரையிலான காலத்தில் மக்களவைக்கு தேர்வு செய்யப்பட்ட 71 எம்பிக்கள் சொத்து மதிப்பு 286 மடங்கு உயர்ந்துள்ளது. இதில் கர்நாடகாவை சேர்ந்த பா.ஜ எம்பி ரமேஷ் சந்தப்பா ஜிகாஜினாகி நம்பர் 1 இடத்தை பெற்றுள்ளார். 2009ல் அவரது சொத்து மதிப்பு ரூ.1.18 கோடியாக இருந்தது. 2014ல் ரூ.8.94 கோடியாகவும், 2019ல் ரூ.50.41 கோடியாக அதிகரித்தது. இது 4189 சதவீத உயர்வு ஆகும். இவர் தொடர்ந்து 6 முறை பிஜப்பூர் தொகுதியில் இருந்து மக்களவைக்கு தேர்வு செய்யப்பட்டுள்ளார். 2016 ஜூலை முதல் 2019 வரை ஒன்றிய குடிநீர் வளத்துறை இணை அமைச்சராக இருந்துள்ளார்.