சில்லி பாயின்ட்...

* சவுதி அரேபிய அணியுடனான சி பிரிவு லீக் ஆட்டத்தில் போலந்து அணி 2-0 என்ற கோல் கணக்கில் அபாரமாக வென்றது.

* வலது கணுக்கால் காயம் காரணமாக நட்சத்திர வீரர் நெய்மர் அடுத்த 2 லீக் ஆட்டங்களிலும் விளையாட முடியாது என அறிவிக்கப்பட்டுள்ளது, பிரேசில் அணிக்கு பெரும் பின்னடைவை கொடுத்துள்ளது.

* இந்திய ஒலிம்பிக் சங்கத் தலைவர் பதவிக்கான தேர்தலில் (டிச. 10) போட்டியிடப் போவதாக முன்னாள் தடகள நட்சத்திரம் பி.டி.உஷா அறிவித்துள்ளார்.

* ஆஸ்திரேலிய அணியுடன் அடிலெய்டில் நேற்று நடந்த முதல் டெஸ்டில் இந்திய ஆண்கள் ஹாக்கி அணி 4-5 என்ற கோல் கணக்கில் போராடி தோற்றது. இந்த போட்டியில் ஆகாஷ்தீப் சிங் ‘ஹாட்ரிக்’ கோல் அடித்து (10வது, 27வது, 59வது நிமிடம்) அசத்தினார். 2வது டெஸ்ட் இன்று நடக்கிறது.

* மகளிர் பிக் பாஷ் லீக் டி20 தொடரின் பைனலில் சிட்னி சிக்சர்ஸ் அணியை 10 ரன் வித்தியாசத்தில் வீழ்த்திய அடிலெய்டு ஸ்டிரைக்கர்ஸ் அணி முதல் முறையாக கோப்பையை கைப்பற்றி சாதனை படைத்தது.

* விஜய் ஹசாரே டிராபி தொடரில் மும்பை அணிக்கு எதிராக 8 விக்கெட் வித்தியாசத்தில் வென்ற உத்தரப் பிரதேச அணி காலிறுதிக்கு முன்னேறியது. கர்நாடகா, ஜம்மு காஷ்மீர் அணிகளும் காலிறுதிக்கு தகுதி பெற்றுள்ளன.

* குரோஷியா அணியை 2-1 என்ற கணக்கில் வீழ்த்திய ஆஸ்திரேலிய அணி 2003ம் ஆண்டுக்கு பிறகு முதல் முறையாக டேவிஸ் கோப்பை டென்னிஸ் தொடரின் பைனலுக்கு முன்னேறி உள்ளது.

Related Stories: