மேட்டூர்: கர்நாடக அணைகளில் இருந்து நீர்திறப்பு குறைப்பு மற்றும் காவிரி நீர்ப்பிடிப்பு பகுதிகளில் மழை குறைந்ததால், ஒகேனக்கல் காவிரி மற்றும் மேட்டூர் அணைக்கான நீர்வரத்து சரிந்து வருகிறது. ஒகேனக்கல் காவிரியில் தொடர்ந்து 3வது நாளாக இன்றும் நீர்வரத்து விநாடிக்கு 14 ஆயிரம் கனஅடியாக நீடிக்கிறது.

இதேபோல் மேட்டூர் அணைக்கான நீர்வரத்தும் 4வது நாளாக இன்று 12,500 கனஅடியாக தொடர்கிறது. டெல்டா பாசனத்திற்கு பாசனத்திற்கு விநாடிக்கு 12,000 கன அடியும், கிழக்கு,மேற்கு கால்வாய் பாசனத்திற்கு விநாடிக்கு 500 கனஅடியும் தண்ணீர் திறக்கப்பட்டு வருகிறது. அணையின் நீர்மட்டம் 120 அடியாகவும்,  நீர் இருப்பு 93.47 டி.எம்.சியாகவும் உள்ளது.