திருவொற்றியூர்: திருவொற்றியூர், ஆர்.கே.நகரில் ஒன்றிய அரசின் கேந்திரிய வித்யாலயா பள்ளி அமைக்க தேர்வு செய்யப்பட்ட இடங்களை கலாநிதி வீராசாமி எம்பி, கே.பி.சங்கர் எம்எல்ஏ, மண்டல குழு தலைவர் தி.மு.தனியரசு ஆகியோர் நேரில் ஆய்வு செய்தனர். வடசென்னை நாடாளுமன்ற தொகுதிக்குட்பட்ட திருவொற்றியூர் மற்றும் ஆர்.கே.நகர் ஆகிய இடங்களில் ஒன்றிய அரசின் கீழ் இயங்கும் கேந்திரிய வித்யாலயா பள்ளி அமைப்பதற்கு 2 இடம் தேர்வு செய்யப்பட்டுள்ளது. தேர்வு செய்யப்பட்ட இடத்தில் ஒன்றான திருவொற்றியூர் பேசின் சாலை அருகேயுள்ள ரயில்வே துறைக்கு சொந்தமான 5 ஏக்கர் நிலத்தை கலாநிதி வீராசாமி எம்பி, கே.பி.சங்கர் எம்எல்ஏ, மண்டல குழு தலைவர் தி.மு.தனியரசு ஆகியோர் நேற்று முன்தினம் பார்வையிட்டு ஆய்வு செய்தனர்.
திருவொற்றியூர், ஆர்.கே.நகரில் கேந்திரிய வித்யாலயா பள்ளி அமைக்க இடம் தேர்வு: கலாநிதி வீராசாமி எம்பி, கே.பி.சங்கர் எம்எல்ஏ ஆய்வு
- கேந்திரியா வித்யாலயா பள்ளி
- ஆர்.கே. நகர்
- திருவொற்றியூர்
- கல்நதி வீரசாமி
- கே.பி.சங்கர்
- சட்டமன்ற உறுப்பினர்