தண்டையார்பேட்டை: தங்க சாலை மேம்பாலத்தில் நிர்வாணமாக ஓடிவந்து மினி லாரியில் பாய்ந்தவர் பரிதாபமாக உயிரிழந்தார். வண்ணாரப்பேட்டை தங்கசாலை மேம்பாலம் கீழே சர்வீஸ் சாலையில் நேற்று மாலை மினி லாரி சென்று கொண்டிருந்தது. அப்போது அங்கு 35 வயது மதிக்கத்தக்க ஆண் ஒருவர் திடீரென நிர்வாணமாக ஓடிவந்து, அந்த மினி லாரி மீது பாய்ந்தார். இதனால் அதிர்ச்சி அடைந்த டிரைவர், லாரியை நிறுத்த முயன்றார். இருப்பினும் லாரியில் சிக்கிய அந்த நபர் படுகாயமடைந்து ரத்தவெள்ளத்தில் துடிதுடித்தார். அப்பகுதியினர் அவரை மருத்துவமனைக்கு அனுப்பி வைக்க செல்ல ஏற்பாடு செய்வதற்குள் பரிதாபமாக இறந்தார்.