குலசேகரம்: கும்பாபிஷேகம்  நடைபெற்ற திருவட்டார் ஆதிகேசவ பெருமாள் கோயிலில் நேற்று காலை தங்க  கொடிமரம் பிரதிஷ்டை செய்யப்பட்டது. இதையடுத்து மாலையில் கொடியேற்றத்துடன் 6 நாள் திருவிழா தொடங்கியது.குமரி  மாவட்டத்தில் பிரசித்தி பெற்ற திருவட்டார் ஆதிகேசவ பெருமாள் கோயிலில், 418  ஆண்டுகளுக்கு பிறகு கடந்த 6ம் தேதி மகா கும்பாபிஷேகம் நடந்தது. இதை தொடர்ந்து நேற்று (9ம் தேதி) காலை 5 மணிக்கு கணபதி ஹோமம், 6  மணிக்கு சிறப்பு பூஜை, 72  அடி உயர தங்க கொடிமர பிரதிஷ்டை நடைபெற்றது. பகல் 12  மணிக்கு உச்ச பூஜை, அபிஷேகம், அன்னதானம் நடந்தது.

கொடிமரம் பிரதிஷ்டை  செய்யப்பட்டதையடுத்து 6 நாள் திருவிழா ேநற்று முதல் தொடங்கியது. இதற்காக நேற்று மாலை 6 மணிக்கு தீபாராதனையை தொடர்ந்து கொடியேற்றம் நடந்தது.  கொடிமரத்தில் கருடன் உருவம் பதிக்கப்பட்ட கொடி ஏற்றப்பட்டது. அதனைதொடர்ந்து  லட்ச தீபம் ஏற்றப்பட்டது. வருகிற 14ம் தேதி வரை பூஜைகள், காலை  மற்றும் மாலையில் ஸ்ரீபூதபலி எழுந்தருளல் என திருவிழா கோலாகலமாக நடைபெற  உள்ளது.