சேலம் : சேலம் அடுத்த பெரிய புத்தூரில் முனியப்பன் கோயில் திருவிழாவை முன்னிட்டு, எருதாட்டம் நடந்தது. பாதியில் எருதாட்டம் நிறுத்தப்பட்டதால், இளைஞர்கள் ஏமாற்றம் அடைந்தனர். சேலம் அடுத்த கொண்டலாம்பட்டி பெரிய புத்தூரில் வெண்ணங்குடி முனியப்பன் கோயில் உள்ளது. கோயிலின் வைகாசி திருவிழாவை முன்னிட்டு, நேற்று எருதாட்டம் நடந்தது. இதற்காக சேலம், தர்மபுரி, கிருஷ்ணகிரி உள்பட சுற்றியுள்ள பல்வேறு மாவட்டங்களில் இருந்து 70 காளைகள் அழைத்து வரப்பட்டிருந்தது. சேலம் ஆர்டிஓ விஷ்ணுவர்த்தினி, தாசில்தார் தமிழரசி முன்னிலையில், அங்குள்ள மாரியம்மன் கோயில் அருகே எருதாட்டம் தொடங்கியது. அலங்கரித்த காளைகளை மைதானத்தில் விட்டு இளைஞர்கள் உற்சாகப்படுத்தினர். மேலும், பொம்மைகளை கொண்டு விளையாட்டு காட்டினர்.