புதுச்சேரி: புதுச்சேரி முதலியார்பேட்டை காராமணிக்குப்பம் ஜீவானந்தம் பள்ளி பின்புறமுள்ள தண்டவாள பகுதியில் வெடிச்சத்தம் கேட்டது. பொதுமக்கள் கொடுத்த தகவலின் பேரில் போலீசார் சம்பவ இடத்துக்கு சென்றனர். வெடிகுண்டு சம்பவம் நடந்த சில நிமிடங்களில் புதுச்சேரி- சென்னை எக்ஸ்பிரஸ் ரயில் அப்பகுதியை கடந்து சென்றதால், ரயிலை கவிழ்க்க சதி வேலையா? என விசாரணை தீவிரப்படுத்தப்பட்டது.கைப்பற்றப்பட்டது நாட்டு வெடிகுண்டு வகையை சேர்ந்தது, மேலும் யாரையாவது கொலை செய்யும் நோக்கில் பதுக்கி வைத்திருக்கலாம் என போலீசார் சந்தேகமடைந்தனர்.