மதுரை: மதுரையில் ஷவர்மா கடைகளில் உணவு பாதுகாப்புத்துறை அதிகாரிகள் நேற்று அதிரடி சோதனை நடத்தி, 10 கிலோ அழுகிய கோழிக்கறியை பறிமுதல் செய்தனர். 5 கடைகளுக்கு நோட்டீஸ் கொடுக்கப்பட்டது. மேலும் காஞ்சிபும், திருப்பூர் மாவட்டங்களிலும் சோதனை நடத்தப்பட்டது. கேரளாவில் சமீபத்தில் ஷவர்மா சாப்பிட்ட மாணவர்கள் பாதிக்கப்பட்டு, ஒரு மாணவி பலியானார். இச்சம்பவம் நாடு முழுக்க அதிர்வினை ஏற்படுத்தியது. இதன் எதிரொலியாக மதுரை உட்பட தமிழகம் முழுவதும் நேற்று உணவு பாதுகாப்புத்துறை அதிகாரிகள் சோதனை நடத்தினர். மதுரையில் ஜெயராம் தலைமையில் குழு, குழுவாக பிரிந்து முக்கிய இடங்களின் அனைத்து ஷவர்மா கடைகளிலும் திடீர் சோதனை நடத்தினர். 52 கடைகளில் 30க்கும் அதிக குழுவினராக பிரிந்து இந்த அதிரடி சோதனையில் தனித்தனியாக ஈடுபட்டனர்.