லக்னோ: அகிலேஷ் யாதவின் கிண்டலுக்கு மாயாவதி பதில் அளித்த நிலையில், அவருக்கு உத்தரபிரதேச துணை முதல்வர் பதிலடி கொடுத்துள்ளார். உத்தரபிரதேச முன்னாள் முதல்வரும், பகுஜன் சமாஜ் கட்சியின் தலைவர் மாயாவதியை பாஜக ஜனாதிபதியாக்குமா? இல்லையா? என்று சமாஜ்வாதி கட்சியின் தலைவரும், முன்னாள் முதல்வருமான அகிலேஷ் யாதவ் அவரை கிண்டல் செய்தார். அகிலேஷின் கிண்டலுக்கு பதிலளிக்கும் வகையில் பேசிய மாயாவதி, ‘நாட்டின் பிரதமராகவும், மீண்டும் ஒரு முறை முதல்வராகவும் விரும்புகிறேன். ஆனால் ஜனாதிபதியாகும் கனவு எனக்கு இல்லை’ என்று கூறினார்.