சென்னை: தென்னிந்திய நடிகர் சங்க தேர்தல் கடந்த 2019 ஜூன் 23ம் தேதி சென்னையில் நடைபெற்றது. இதில் பதிவான வாக்குகள் சென்னை நுங்கம்பாக்கம் சவுத் இந்தியன் வங்கி கிளை பாதுகாப்பு பெட்டகத்தில் வைக்கப்பட்டது. இதற்கிடையே தேர்தலை ரத்து செய்யக்கோரி சென்னை உயர் நீதிமன்றத்தில் வழக்கு தொடரப்பட்ட நிலையில், வழக்கை விசாரித்த நீதிமன்றம், தென்னிந்திய நடிகர் சங்கத்தை நிர்வகிக்க சிறப்பு அதிகாரியை நியமித்தது. இந்த வழக்கு 2 ஆண்டு களுக்கும் மேலாக நடந்து வந்த நிலையில், தென்னிந்திய நடிகர் சங்க தேர்தல் செல்லும் என்றும், பதிவான வாக்குகளை 4 வாரங்களில் எண்ண வேண்டும் என்றும் தேர்தல் அதிகாரிக்கு சென்னை உயர் நீதிமன்றம் உத்தரவிட்டது.