காபூல்: ஆப்கானிஸ்தானில் ஏற்பட்டுள்ள பொருளாதார நெருக்கடியால் டாலருக்கு நிகரான ஆப்கானி பண மதிப்பு கடும் சரிவை கண்டுள்ளது. ஆப்கானிஸ்தானில் தாலிபான்கள் ஆட்சியை கைப்பற்றிய பின்னர், உணவு பொருட்கள், எரிபொருட்கள் விலை அதிகரித்து பொருளாதார சரிவு ஏற்பட்டுள்ளது. சர்க்கரை மூன்று மடங்கும், கோதுமை 40 விழுக்காடும், அரிசி 15 விழுக்காடும் அதிகரித்துள்ளது. சுமார் 98 விழுக்காடு மக்களுக்கு முழுமையான உணவு கிடைப்பது இல்லை என உலக உணவு அமைப்பு மதிப்பிட்டுள்ளது. வேலைவாய்ப்பின்மையும் பன்மடங்கு பெருகியுள்ளது. இந்நிலையில் டாலருக்கு நிகரான ஆப்கானி பண மதிப்பு ஒரேநாளில் 12 விழுக்காடு சரிவை கண்டுள்ளது.