வாஷிங்டன் : பேஸ்புக் பயன்படுத்தும் போதெல்லாம் கன்னத்தில் அரைவதற்காக இளம்பெண் ஒருவரை வேலைக்கு அமர்த்தி இருக்கிறார் அமெரிக்கா வாழ் இந்தியர் ஒருவர். எலான் மஸ்க் வரை ரியாக்ட்ஸ் செய்யும் அளவிற்கு இணையத்தில் கலக்கி வருகிறது இந்த வேலை. அமெரிக்கா வாழ் இந்தியர் ஒருவரான மனீஷ் சேதி பாவ்லோக் நிறுவனத்தின் நிறுவனர் ஆவார். அமெரிக்காவில் வேலை வாய்ப்பு இணையதள பக்கம் ஒன்றின் மூலமாக அண்மையில் காரா என்ற இளம்பெண்ணை வேலைக்கு அமர்த்தி இருக்கிறார். பலருக்கும் ஆச்சரியம் தரும் இந்த வேலைக்கு ஒரு மணி நேரத்திற்கு சுமார் 500 ரூபாய் சம்பளம் ஆகும். மனீஷ் சேதி எப்போதெல்லாம் பேஸ்புக் பக்கத்திற்கு நுழைகிறாரோ, அப்போது கன்னத்தில் பளார் என்று ஒரு அரை விடுவது தான் காராவுக்கு வேலை.