ஸ்ரீநகர்: ஜம்மு காஷ்மீரில் தீவிரவாதிகளுக்கு எதிரான நடவடிக்கையின்போது ஒரு ராணுவ அதிகாரி, 4 வீரர்கள் வீர மரணமடைந்தனர். ஜம்மு காஷ்மீரின் பூஞ்ச் மாவட்டத்தில் சுரன்கோட் பகுதியில் தீவிரவாதிகள் பதுங்கி இருப்பதாக நேற்று காலை ராணுவ அதிகாரிகளுக்கு ரகசிய தகவல் கிடைத்தது. இதனை தொடர்ந்து பாதுகாப்பு வீரர்கள் தேடுதல் வேட்டையில் ஈடுபட்டனர். அப்போது அங்கு பதுங்கி இருந்த தீவிரவாதிகள் வீரர்கள் நோக்கி துப்பாக்கி சூடு நடத்தினர். இதில் ராணுவ அதிகாரி மற்றும் 4 வீரர்கள் பலத்த காயமடைந்தனர். உடனடியாக அவர்கள் மீட்கப்பட்டு மருத்துவமனையில் அனுமதிக்கப்பட்டனர். ஆனால் சிகிச்சை பலனின்றி அவர்கள் வீரமரணம் அடைந்தனர்.