சென்னை: விஜய் தேவரகொண்டா நடிக்கும் ‘லைகர்’ படத்தில் சர்வதேச குத்துச்சண்டை வீரர் மைக் டைசன் நடிக்கிறார். கரண் ஜோஹர், புரி ஜெகந்நாத், நடிகை சார்மி உள்ளிட்டோர் இணைந்து தயாரிக்கும் படம் ‘லைகர்’. தமிழ், இந்தி, தெலுங்கு, கன்னடம், மலையாளம் மொழிகளில் இந்த படம் உருவாகிறது. பாலிவுட் நடிகை அனன்யா பாண்டே ஹீரோயினாக நடிக்கிறார். புரி ஜெகந்நாத் இயக்கி வருகிறார். தற்காப்பு கலையை மையமாக வைத்து இந்த படம் உருவாகிறது. இந்த படத்தில் முக்கிய வேடத்தில் சர்வதேச குத்துச்சண்டை வீரர் மைக் டைசன் நடிக்க உள்ளார்.