புதுடெல்லி: பிரபல தேடுப்பொறி நிறுவனமான கூகுள், தனது 23வது பிறந்த நாளை இன்று கொண்டாடி வருகிறது. இதை சிறப்பிக்கும் விதமாக தனது கூகுள் தளத்தின் இன்றைய டூடுல் பக்கம் வடிவமைக்கப்பட்டுள்ளது. இன்டர்நெட் எனப்படும் இணையத்தில் பல சாதனைகளைப் படைத்து வரும் நிறுவனம் கூகுள், தேடுபொறியில் தொடங்கி, ஆன்லைன் விளம்பரம், சாப்ட்வேர், ஹார்டுவேர் என்று இணையத்தின் அனைத்துத் துறைகளிலும் சாதித்து வருகிறது. கலிபோர்னியாவின் ஸ்டேன்ஃபோர்டு பல்கலைக்கழகத்தில் படித்த லேரி பேஜ் மற்றும் செர்ஜி பிரின் ஆகிய இரு மாணவர்கள் 1998ம் ஆண்டு தொடங்கிய கூகுள் நிறுவனம், இன்று உலகளவில் வளர்ந்துள்ளது.