லண்டன்: ருமேனியா நாட்டைச் சேர்ந்த பிரபல டென்னிஸ் வீராங்கனை சிமோனா ஹாலெப். 29 வயதான ஹாலெப் 2017-19ம் ஆண்டு கால கட்டத்தில் 64 வாரங்களில் நம்பர் ஒன் வீராங்கனையாக இருந்துள்ளார். தற்போது தரவரிசையில் 11வது இடத்தில் இருக்கும் ஹாலெப், 2018ம் ஆண்டு பிரஞ்ச் ஓபன், 2019ம் ஆண்டு விம்பிள்டன் என 2 கிராண்ட்ஸ்லாம் பட்டங்களை வென்றுள்ளார். அண்மையில் நடந்த யுஎஸ் ஓபன் தொடரில் 4வது சுற்றில் தோல்வி அடைந்து வெளியேறினார். இந்நிலையில் தனது காதலரான தொழிலதிபர் டோனி ஐருக்கை நேற்று முன்தினம் திருமணம் செய்துகொண்டார்.