மும்பை: மும்பையில் உள்ள விஜய் மல்லையாவின் கிங் பிஷ்சர் ஹவுஸ் ரூ.52.25 கோடிக்கு ஏலம் போனது. ஸ்டேட் பேங்க் ஆப் இந்தியா உள்ளிட்ட பல்வேறு வங்கிகளில் ரூ.9,000 கோடி கடன் பெற்று மோசடி செய்த பிரபல தொழிலதிபர் விஜய் மல்லையா, பிரிட்டனுக்கு தப்பியோடினார். இதனால், இந்தியாவில் உள்ள அவரது நிறுவனத்துக்குச் சொந்தமான சொத்துகளை ஏலத்தில் விற்று, அதன் மூலம் கடன் தொகையை வங்கிகள் ஈடுகட்டி வருகின்றன. இதன்படி, மும்பையில் கிங் பிஷ்சர் விமான நிறுவனத்தின் தலைமையகம் இயங்கி வந்த கிங் பிஷ்சர் ஹவுஸ், கடந்த 2016 முதல் ஏலம் விடப்பட்டு வந்தது. ரூ.150 கோடி மதிப்புள்ள அந்த வீடு முதலில் ரூ.135 கோடிக்கு விலை நிர்ணயம் செய்யப்பட்டது.