வேலூர்: வேலூர் மத்திய சிறை மற்றும் பெண்கள் சிறையில் சட்டம் மற்றும் சிறைத்துறை அமைச்சர் ரகுபதி, கைத்தறி மற்றும் துணிநூல் துறை அமைச்சர் ஆர்.காந்தி ஆகியோர் இன்று ஆய்வு செய்தனர். பின்னர் அமைச்சர் ரகுபதி நிருபர்களிடம் கூறியதாவது: வேலூர் மத்திய சிறையில் 742 பேரும், பெண்கள் சிறையில் 97 பேரும் அடைக்கப்பட்டுள்ளனர். சிறையில் உள்ள மருத்துவமனை, சமையல் கூடம், கைதிகள் தங்கும் இடம் ஆகியவற்றை ஆய்வு செய்தோம். முன்னாள் பிரதமர் ராஜீவ்காந்தி கொலை வழக்கில் சிறையில் உள்ள முருகன், நளினி, சாந்தன் ஆகியோரிடம் குறைகளை கேட்டறிந்தேன்.