அந்தியூர்: அந்தியூர் அருகே மேற்கு தொடர்ச்சி மலை அடிவாரத்தில் கல்லுப்பள்ளம், வரட்டுப்பள்ளம், கும்பரவாணிபள்ளம் ஆகிய பள்ளங்களின் இடையே அமைந்துள்ளது வரட்டுப்பள்ளம் அணை. இந்த அணை பகுதியையொட்டி வனப்பகுதி உள்ளதால் வனவிலங்குகளுக்கு நீராதாரமாக விளங்கி வருகிறது. தற்போது கோடை காலம் துவங்கி வெப்பத்தின் தாக்கம் அதிகரித்து உள்ளதால் வனவிலங்குகள் தண்ணீரை தேடி நீர்நிலைகள் உள்ள பகுதிகளுக்கு வர தொடங்கியுள்ளது.
இந்நிலையில் நேற்று மாலை வரட்டுப்பள்ளம் அணையில் மதகு அமைந்துள்ள கரை பகுதியை ஒட்டி சுமார் 20 வயது மதிக்கத்தக்க ஆண் யானை தண்ணீரில் இறங்கி சுமார் ஒரு மணி நேரம் ஆனந்த குளியலிட்டு மகிழ்ந்தது.