இந்த தேர்தலில் அதிகம் கவனிக்க வைத்த இளம் தலைவராக உருவெடுத்துள்ளார் பிரமோத் போரா. போடோலாந்து பிராந்தியத்தில் மொகிலரியை எதிர்த்து அரசியல் செய்வது எளிதான காரியமல்ல. 17 ஆண்டுகளுக்கும் மேலாக ஆட்சி செய்த மொகிலரியை, தனது வியூகங்களால் வெற்றி கொண்டு சமீபத்தில் போடோ கவுன்சிலின் தலைவர் பதவியை கைப்பற்றினார். போராவின் வளர்ச்சியைக் கண்ட பாஜ, அவரை சாமர்த்தியமாக தனது கூட்டணிக்குள் இணைத்துக் கொண்டது.