அன்னூர்: கோவை மாவட்டம், தெற்கு அன்னூர் ஒன்றியம் சார்பில், அவிநாசி சட்டமன்ற அதிமுக வேட்பாளர் அறிமுக கூட்டம் நேற்று நடைபெற்றது. இதில் சபாநாயகரும் வேட்பாளருமாகிய தனபால் கலந்து கொண்டு பேசினார். கூட்டத்தில் கலந்து கொண்ட கொங்கு செட்டியார் சமூகத்தை சேர்ந்த நிர்வாகிகள் சிலர் சபாநாயகரை முற்றுகையிட்டு ஒரு கோரிக்கை மனு அளித்தனர். அதில் கூறப்பட்டிருந்ததாவது: மிகவும் பிற்படுத்தப்பட்டோருக்கு 20 சதவீத இட ஒதுக்கீட்டில் ஜாதிவாரி கணக்கெடுப்பு நடத்தி முடிக்கும் முன்பே வன்னியருக்கு 10.5 சதவீத இட ஒதுக்கீடு வழங்கப்பட்டுள்ளது. 93 ஜாதிகள் அடங்கிய சீர்மரபினருக்கு 7 சதவீதம் ஒதுக்கீடு செய்யப்பட்டுள்ளது. 22 ஜாதி மக்களுக்கு 2.5 சதவீதம் இட ஒதுக்கீடு மட்டுமே கிடைக்கும். இதனால் கொங்கு செட்டியார் சமூகத்தை சேர்ந்த மக்கள் கல்வி, வேலைவாய்ப்பு கிடைக்காமல் பாதிக்கப்பட்டு பின் தள்ளப்படுவார்கள்.