சென்னை: திமுக தலைவர் மு.க.ஸ்டாலின் ”உங்கள் தொகுதியில் ஸ்டாலின்” என்ற பெயரில் 234 சட்டமன்ற தொகுதிகளிலும் மக்களைச் சந்திக்க உள்ளார். அவர் எந்தெந்த தேதிகளில் எங்கு பிரசாரம் மேற்கொள்ள உள்ளார் என்ற விவரத்தை திமுக தலைமை கழகம் வெளியிட்டுள்ளது. அதன்படி, வருகிற 29ம் தேதி காலை 8 மணிக்கு திருவண்ணாமலை தெற்கு மாவட்டத்தில் கலைஞர் சிலை அருகில் நகராட்சி அலுவலகம் முன்பு, திருக்கோவிலூர் சாலையில் சுற்றுப்பயணம் மேற்கொள்கிறார். மதியம் 1 மணிக்கு திருவண்ணாமலை வடக்கு மாவட்டம் சேவூர் ஊராட்சி வேலூர் ரோட்டிலும், 30ம் தேதி காலை 8 மணிக்கு வேலூர் மத்திய மாவட்டம் பள்ளிக்கொண்டான் டோல்கேட் அருகில் கந்தனேரி ஊராட்சியிலும் மதியம் 1 மணிக்கு வேலூர் கிழக்கு மாவட்டம் பனப்பாக்கம் பேரூர் சோளிங்கரிலும் சுற்றுப்பயணம் மேற்கொள்கிறார்.