சென்னை: வரும் 21-ம் தேதி திமுக மாவட்டச் செயலாளர்கள் கூட்டம் திமுக தலைவர் மு.க.ஸ்டாலின் தலைமையில் நடைபெறும் என கட்சியின் பொதுச் செயலாளர் துரைமுருகன் அறிவித்தார். திமுக ஆக்கப் பணிகள் குறித்து ஜனவரி 21 மாலை 5 மணிக்கு அண்ணா அறிவாலயத்தில் ஆலோசனைக் கூட்டம் நடைபெறும் என கூறினார். மாவட்ட, மாநகர, ஒன்றிய, நகர, பகுதி, பேரூர் திமுக செயலாளர்/பொறுப்பாளர்கள் தவறாது கலந்துகொள்ள வேண்டும் என கூறப்பட்டுள்ளது. கூட்டத்தில் திமுக மாவட்டச் செயலாளர்கள் 77 பேரும், புதுச்சேரி திமுக பொறுப்பாளர்களும் கலந்து கொள்ள அழைப்பு விடுக்கப்பட்டுள்ளது.