கண்டமங்கலம்: சின்னபாபுசமுத்திரம் கலைஞர் நகரில் பராமரிப்பு இல்லாததால் சுகாதார வளாகம் மற்றும் போர்வெல் ஆகியவை புதருக்குள் சிக்கிக் கிடக்கும் அவலநிலை ஏற்பட்டுள்ளது. விழுப்புரம் மாவட்டம் கண்டமங்கலம் ஊராட்சி ஒன்றியம் சின்னபாபு சமுத்திரம் கலைஞர் நகரில் அரசு சார்பில் கடந்த 2 ஆண்டுகளுக்கு முன்பு சுகாதார வளாகம் கட்டப்பட்டது. அதனருகில் குடிநீர் தட்டுப்பாட்டை போக்கும் வகையில் ஒரு ஆழ்துளை போர்வெல்லும் அமைக்கப்பட்டது. ஆனால் சுகாதார வளாகம் செயல்பாட்டுக்கு கொண்டு வரப்படாததால் இப்பகுதியில் உள்ள பெண்கள் பெரும் சிரமத்துக்குள்ளாகி உள்ளனர்.