வாஷிங்டன்: தனது வீட்டோ அதிகாரத்தை பயன்படுத்தி அமெரிக்க ராணுவ நிதி மசோதாவில் கையெழுத்திட அதிபர் டிரம்ப் மறுத்துள்ளார். அமெரிக்காவில், ரூ.54.76 லட்சம் கோடிக்கான 2021ம் நிதியாண்டின் ராணுவ நிதி மசோதா, பிரதிநிதிகள் அவையில் 335-78-1 வாக்குகளுடனும், செனட் அவையில் 84-13 வாக்குகளுடனும் நிறைவேற்றப்பட்டது. இந்த மசோதா, தேச பாதுகாப்புக்கு ஆபத்து விளைவிப்பதாக கூறி, தனது வீட்டோ அதிகாரத்தை பயன்படுத்தி அதிபர் டிரம்ப் இதில் கையெழுத்திட மறுப்பு தெரிவித்தார்.இது குறித்து அவர் விடுத்த அறிக்கையில், `இந்த மசோதாவை நிறைவேற்றுவதன் மூலம், தேசிய பாதுகாப்பு மீறப்பட்டுள்ளது. இந்த பிரிவை திரும்ப பெற இருதரப்பினரும் இணைந்து ஒத்துழைப்பு அளித்தால் தவிர, தேவையான திருத்தங்களை கூட கொண்டு வர முடியாது,’ என்று கூறப்பட்டுள்ளது.